شامخة
10-14-2007, 05:23 PM
أعجبتني هذه القصيدة ولو إن فيها ما فيها
لكنها تحكي واقع بعض الشباب وأحب القصائد الواقعية وإن كنا لانقرها كمبدأ ولأنها خالية من الغزل الصريح أحببت أن أضعها أمامكم من أروع ما قرأت رغم أن شاعرها ليس مشهورا
يقول من عدا على شارع بلال بن رباح =يوم إن من ساهر بهمه غطه النوم ورقد
من بعد نص الليل ألفلف لين ما اذن للصباح = خرجت اغيّر جو واتغلب على جو النكد
ومن أول الشارع وانا شميت ريح العطر فاح =وحسيت في همي شوي شوي عني يبتعد
يمكن لأني كنت إذا مريته اشعر بارتياح= ايام أنا ما كنت اجي يمه على سابق وعد
من جادلٍ ميعادها بالضبط كلمتها قراح = ادق من ميعاد فقير(ن) في الوظيفة مستجد
من بعد فين وفين تلقى فرصة الوضع المتاح = ظروفها صعبه.. وأخوها وجه شر ومضطهِد
أجي على ميعادها من بعد مجهود وكفاح = من التعب منهك وللجدران في كوعي مكد
لها بصدري فرحة المسجون باطلاق السراح= وبصدرها لي فرحة القاتل بعفو انفاذ حد
تجلس كما رعديد واقع تحت تهديد السلاح= من شدة الربكة تلعثم في الكلام وترتعد
وانا تقول إني من اهل الدار بسطه وانشراح = قلة عقل.. مدري دباشة.. كنت معطيها لبد
طايش مراهق شايف إن الناس مكسورة جناح = مغرور بايعها بتبن ولا حسبت حساب احد
هوايتي ( جمع التوابع) من ملاح ومن قباح = افاخر اصحابي وربعي لا جمعت اكبر عدد
ما قد شكيت البعد والوحده في الايام الشحاح = اطب وأتخيّر ووقت الزنقه الطارف يسد
المقصد اتسلى ولا للحب في قلبي براح = عايش بمبدأ كل فطير وطير لا شفت السعد
لكنّ هي بالذات كانت غير عن كل الملاح = كانت تحسّسني إني اعظم من على الدنيا ولد
كانت تدللني بفن اسلوب اسميه اجتياح = باسلوبها تجتاح فكري والمشاعر والجسد
كانت سوالفنا فضيعه لا حرام ولا مباح = اقرب حلال من المحرم واخر المكروه حد
كنا نناقش مايجوز ولا يجوز من المزاح = معظم سوالفنا طوال الليل في هذا الصدد
تعارض افكاري وادلّتها من امتون الصحاح = تقول يوجد في الجسد مضغة وإذا فسدت فسد
ما ينبت الحب العفيف إلا في إقلوبٍ صحاح =وأظن هذا الحب في هذا الزمن ما ينوجد
واحاول اقنعها إن هذا عصرنا عصر انفتاح =عددت اساليبي ولا خليت من جهدي جهد
واعطتني بفن وبراعه درس في كبح الجماح = فيها ذكا ماهو طبيعي عقلها يوزن بلد
واحلف لها بالله حبك من خفوقي ما يزاح = خذي كلا م رجال.. أنا لك ملك دايم للابد
قالت وانا ما اتخيل إنك ملك غيري ثم ساح =من فوق وجنتها الكحل .. والدم بعروقي جِمد
واستطردت لوكنت صادق ما انصرف طرفك وشاح = لكن لا نضحك على بعض ، انت قلبك ماقصد
اخشى هوانا يا حبيبي يذهب ادراج الرياح = لأن وضعي ما يساعد , وانت طوّلت الأمد
هذي علاقه غير شرعية وحرمة تستباح =اش يمنع إنّا نرتبط رسمي وتوفي بالعهد
واتحجج إني طالب اسعى للتفوق والنجاح = ولا اقدر اتزوج وذا وضعي ولاني مستعد
واقول انا في خاطري ( لا هيّن ) اعقد بك نكاح = اتزوج اللي صادقتني ؟! ما بقي إلا ذي بعد!!
ويوم ألحت في طلبها شفت ما عنها مراح =وتأكد إن اللي تفكر فيه ماعنّه مصد
سحبت نفسي في هداوه لا جدال ولا صياح = حست وكانت تتصل فيني وأنا ماكنت ارد
طنشتها فتره وحسّيت إن في قلبي رماح = واقنعت نفسي, نقص واحد ما يؤثر في العدد
كانت بداية نكستي والحظ إلى من طاح طاح = دنيا لها ميلات والانسان مخلوق بكبد
اثار قلبي حبها بعدي وانا مالي صلاح =ولا اكتشفت إلا وهي زوجة عصامي مجتهد
أنا اشهد ان امه دعت له في حياته بالفلاح = وانا اشهد إنه ناال واللهم غبطه لا حسد
وانا ثمان سنين قلب النحس مثخن بالجراح =وهي على ما اسمع سعيده وام بنتين وولد
الله يوفقها ويسعدها ويرزقها الصلاح = والله يصبرني ويرزقني التحمل والجلد
من بعدها ماشفت من تقدر تعوضني اللي راح =صحيح ما تعرف غلاة الغالي إلا لا انفقد
مستور المالكي
وسلامتكم
لكنها تحكي واقع بعض الشباب وأحب القصائد الواقعية وإن كنا لانقرها كمبدأ ولأنها خالية من الغزل الصريح أحببت أن أضعها أمامكم من أروع ما قرأت رغم أن شاعرها ليس مشهورا
يقول من عدا على شارع بلال بن رباح =يوم إن من ساهر بهمه غطه النوم ورقد
من بعد نص الليل ألفلف لين ما اذن للصباح = خرجت اغيّر جو واتغلب على جو النكد
ومن أول الشارع وانا شميت ريح العطر فاح =وحسيت في همي شوي شوي عني يبتعد
يمكن لأني كنت إذا مريته اشعر بارتياح= ايام أنا ما كنت اجي يمه على سابق وعد
من جادلٍ ميعادها بالضبط كلمتها قراح = ادق من ميعاد فقير(ن) في الوظيفة مستجد
من بعد فين وفين تلقى فرصة الوضع المتاح = ظروفها صعبه.. وأخوها وجه شر ومضطهِد
أجي على ميعادها من بعد مجهود وكفاح = من التعب منهك وللجدران في كوعي مكد
لها بصدري فرحة المسجون باطلاق السراح= وبصدرها لي فرحة القاتل بعفو انفاذ حد
تجلس كما رعديد واقع تحت تهديد السلاح= من شدة الربكة تلعثم في الكلام وترتعد
وانا تقول إني من اهل الدار بسطه وانشراح = قلة عقل.. مدري دباشة.. كنت معطيها لبد
طايش مراهق شايف إن الناس مكسورة جناح = مغرور بايعها بتبن ولا حسبت حساب احد
هوايتي ( جمع التوابع) من ملاح ومن قباح = افاخر اصحابي وربعي لا جمعت اكبر عدد
ما قد شكيت البعد والوحده في الايام الشحاح = اطب وأتخيّر ووقت الزنقه الطارف يسد
المقصد اتسلى ولا للحب في قلبي براح = عايش بمبدأ كل فطير وطير لا شفت السعد
لكنّ هي بالذات كانت غير عن كل الملاح = كانت تحسّسني إني اعظم من على الدنيا ولد
كانت تدللني بفن اسلوب اسميه اجتياح = باسلوبها تجتاح فكري والمشاعر والجسد
كانت سوالفنا فضيعه لا حرام ولا مباح = اقرب حلال من المحرم واخر المكروه حد
كنا نناقش مايجوز ولا يجوز من المزاح = معظم سوالفنا طوال الليل في هذا الصدد
تعارض افكاري وادلّتها من امتون الصحاح = تقول يوجد في الجسد مضغة وإذا فسدت فسد
ما ينبت الحب العفيف إلا في إقلوبٍ صحاح =وأظن هذا الحب في هذا الزمن ما ينوجد
واحاول اقنعها إن هذا عصرنا عصر انفتاح =عددت اساليبي ولا خليت من جهدي جهد
واعطتني بفن وبراعه درس في كبح الجماح = فيها ذكا ماهو طبيعي عقلها يوزن بلد
واحلف لها بالله حبك من خفوقي ما يزاح = خذي كلا م رجال.. أنا لك ملك دايم للابد
قالت وانا ما اتخيل إنك ملك غيري ثم ساح =من فوق وجنتها الكحل .. والدم بعروقي جِمد
واستطردت لوكنت صادق ما انصرف طرفك وشاح = لكن لا نضحك على بعض ، انت قلبك ماقصد
اخشى هوانا يا حبيبي يذهب ادراج الرياح = لأن وضعي ما يساعد , وانت طوّلت الأمد
هذي علاقه غير شرعية وحرمة تستباح =اش يمنع إنّا نرتبط رسمي وتوفي بالعهد
واتحجج إني طالب اسعى للتفوق والنجاح = ولا اقدر اتزوج وذا وضعي ولاني مستعد
واقول انا في خاطري ( لا هيّن ) اعقد بك نكاح = اتزوج اللي صادقتني ؟! ما بقي إلا ذي بعد!!
ويوم ألحت في طلبها شفت ما عنها مراح =وتأكد إن اللي تفكر فيه ماعنّه مصد
سحبت نفسي في هداوه لا جدال ولا صياح = حست وكانت تتصل فيني وأنا ماكنت ارد
طنشتها فتره وحسّيت إن في قلبي رماح = واقنعت نفسي, نقص واحد ما يؤثر في العدد
كانت بداية نكستي والحظ إلى من طاح طاح = دنيا لها ميلات والانسان مخلوق بكبد
اثار قلبي حبها بعدي وانا مالي صلاح =ولا اكتشفت إلا وهي زوجة عصامي مجتهد
أنا اشهد ان امه دعت له في حياته بالفلاح = وانا اشهد إنه ناال واللهم غبطه لا حسد
وانا ثمان سنين قلب النحس مثخن بالجراح =وهي على ما اسمع سعيده وام بنتين وولد
الله يوفقها ويسعدها ويرزقها الصلاح = والله يصبرني ويرزقني التحمل والجلد
من بعدها ماشفت من تقدر تعوضني اللي راح =صحيح ما تعرف غلاة الغالي إلا لا انفقد
مستور المالكي
وسلامتكم